16 හැවිරිදී තිදරු පියා ගේ කතාව

    සිය පියා  අතහැර  යැමෙන් පසුව අධ්‍යාපනයට සම්පූර්ණයෙන් සමුදී  මව හා මලනුවන්  දෙදෙනාත් නැගණියත් කුලී වැඩ කර ජීවත්කරවන දාසය හැවිරිදිසිසුවෙක් පිළිබද  පුවතක් ගලේවෙල පට්ටිවෙල ප්‍රදේශයෙන් වාර්තා වේ.

ලශාන් නිසංසල නම් වූ මෙම දාසය හැවිරිදි සිසුවා  කුලී වැඩ  කිරිම , දිකිරීම් කේෂ්ත්‍රයේ අත් උදව් කිරිම ආදි විවිධ රැකියාවන් දිනපතා සිදු කරමින් මෙම අසරණ වූ දරු පවුල් රැකීම සිදු කරන බවත් මෙම අසරණ පවුලට  කිසිදු ආකාරයකින් කාගේ හෝ සරණක් නොමැති වී  ඇතැයි ප්‍රදේශවාසීහු පෙන්වා දෙති

රත්මලගාල  වෙල් කොටුව පාර ,පට්ටිවෙල,ගලේවෙල  යන ලිපිනයේ පදිංචිව සිටින  ඊ .එම් . ඉන්ද්‍රානි නිශාමාලි  ඒකනායක (35)   මවත් වයස අවුරුදු 10 ක් වූ  ලදීශ මිහිරංග, වයස අවුරුදු 13 ක් වූ ලක්ෂාන් ඉඳුරන්ග, තවමත් තුන් වැනි වියේ පසුවන සෙනාලි  වහන්සා   නැගණියත් මෙම සිසුවා  දැඩි ආර්ථික දුෂ්කරතා මධ්‍යයේ ජීවත් කරවයි.

 දිනකට එක වේලක් ආහාර පිස දවස තමන් දරුවා ගෙනැවිත් දෙන මුදල ඉතා අරපරෙස්සමින් සකසුරුවමින් යුතුව වියදම් කරන බව දරුවන්ගේ මව න්ද්‍රානි   පැවසුවාය.

 මෙම  දාසය හැවිරිදි සිසුවා 10 වැනි වසරේ සිට පාසල් ගමනට සම්පුර්ණයෙන් සමු දී සහෝදරයට අධ්‍යාපනය ලබාදෙන්නට වෙහෙසෙයි .ඔහුට  බරපතළ ම ප්‍රශ්නයවී  ඇත්තේ තම තුන් හැවිරිදි නැගණිය  හඳුනා නොගත් රෝගයකට මුහුණ පා තිබීම නිසාවෙන් ඇය සතියකට වරක් ආරෝග්‍ය  ශාලා වෙත රැගෙන යෑමට සිදුවීම    බවද ඒ  ඔහු  සඳහන් කළේය

කෙසේ වෙතත් මෙම තත්වය හේතුවෙන් තමන්ට නිවසක් හෝ සාදා ගැනීමට   නොහැකි තත්වයක් පවතින බව ද මෙම සිසුවා සඳහන් කරයි.

       දියණියට වකුගඩු ආශ්‍රිත රෝගයකින් පෙළෙන බව ද එම නිසා සතියකට අවස්ථා දෙකක් ගලේවෙල සහ දඹුල්ල රෝහල්වලට රැගෙන යෑම සිදු කරන බවද ප්‍රතිකාර හා බෙහෙත් පරීක්ෂණ සදහා විශාල මුදලක් අවශ්‍ය බව  මව අප සමග හැඩු  කඳුලින් පැවසුූවාය

කෙසේ වෙතත් මෙම අසරණ පවුල ජීවත් වූ  කටුමැටි ගැසූ නිවස   පසුගියදා ඇදහැලුණු ධාරානිපාත වර්ෂාව හේතුවෙන් ඉදිරිපස කොටස සම්පූර්ණයෙන්ම කඩ  වැටී තිබේ.

 විවිධ රැකියා  කරමින් සිටින මෙම සිසුවා තම ගෙවත්තේ වම්බටු මෑකරල් ආදී එළවළු වර්ග මංඤොක්කා වගා කර ගැනීමට ද අමතක නොකර සිටීම තවත් සුවිශේෂී කරුණකි

මෙම සිසුවා දැඩි වෙහෙස මහන්සියක් දරමින් තම  සහෝදර සහෝදරිය  ජීවත් කරවීමේ අරගලයක නිරතව සිටින බව ද ප්‍රදේශවාසීන් අප සමග සඳහන් කළහ.

 අවස්ථා ගණනාවක සිට මෙම දරුවන්ගේ පියා මව සමග අමනාප වී නිවසෙන් පිටව යන බවත් නැවත නිවසට පැමිණ දින  කිහිපයක් ගත කොට නැවතත් ඔහු දරුවන් බිරිඳ අතහැර යන බව ද මෙම මව සඳහන් කළාය

කෙසේ වෙතත් මේ වන විට  සැමියා දරුවන් බිරිඳ අතහැර ගොස් වසර තුනකට අධික කාලයක් වන බවත්  මව  සඳහන් කර සිටියාය .

 දරුවන් ජීවත් කරවන මෙම වැඩි මහලු පුතා සවසට ගෙදර එද්දි පියා නිවසට එන්නා සේ කුඩා දියණියට තම අනෙකුත් දරුවන් දෙදෙනාට විශාල සතුටක් දැනෙන බවත් ඔවුන් ලොකු අයියාට විශාල ආදරයක් ගෞරවයක් කරුණාවක් දක්වන බවද ද මව හැඬු කඳුළින් අප සමග සඳහන් කළාය

තම එකම   බලාපොරොත්තුව බවට පත්ව ඇත්තේ මල්ලිලා දෙන්නට සහ නැගණියට මවට ජීවත්වීම සඳහා අඩුම තරමේ කාමර දෙකක් සකසා ගැනීම බව මෙම සිසුවා හඬා වැටෙමින් අප සමග සඳහන් කළේය.

 මෙම අසරණ පවුල්ට සමාජයේ දානපතීන් ගේ අවධානය යොමු කොට ඔවුන් ජීවත් කර කරවීම සඳහාතා   ද  දරුවන්ගේ අධ්‍යාපන කටයුතු සඳහා උදව් උපකාර කිරීම  අත්‍යාවශ්‍ය කරුණක් බව ප්‍රදේශවාසීහු පෙන්වා දෙති .

ඔවුන්ගේ ලිපිනය  ඊ .එම් . ඉන්ද්‍රානි නිශාමාලි  ඒකනායක,රත්මලගාල  වෙල් කොටුව පාර ,පට්ටිවෙල,ගලේවෙල.දුරකථන අංකය 074 026 96 37 මහජන බැංකුවේ ගලේවෙල ශාකාවේ ගිණුම් අංකය  ඊ .එම් . ඉන්ද්‍රානි නිශාමාලි  ඒකනායක 115 200 11 00 43 413