32 C
Colombo
Saturday, May 15, 2021
- Advertisement -

තරුණයන් ආපසු හැරෙන තැන අගමැති කියයි

Must Read

දඹුල්ලේ ගොවියෝ අසරණවෙති

සිල්ලර වෙළඳසැල වසා දමා එළවලු තොග වෙළෙඳ සැල් විවෘත කිරීම්ත් සමග එළවළු අස්වැන්න වෙළෙඳපලට ගෙනා ගොවීන් දැඩි අසීරු අසීරුතාවයකට...

හම්බන්තොට වරාය ඉහළම රෝ රෝ මෙහෙයුම් වාර්තා කරයි

පසුගිය වසරට සාපේක්ෂව 2021 පළමු මාස 4 තුළ හම්බන්තොට ජාත්‍යන්තර වරාය හසුරුවන වාහන මෙහෙයුම් (Ro Ro operations) සංඛ්‍යාවේ සැලකිය...

රාමසාන් අද

රාමසාන් උත්සවය අදට (14) යෙදී තිබේ.ඉස්ලාම් බැතිමතුන් මාසයක පමණ කාලයක් උපවාසයේ නිරතවීමෙන් පසු එළඹෙන රාමසාන් උත්සවය ඔවුන්ගේ උත්සව අතර...

බලපෙරළියත් සමග අලුත් ලංකාවක් ගැන බලාපොරොත්තුවක් තරුණ පරපුර වෙත පැතිරී ගොස් ඇති බවත් ඔවුන් ආපසු හැරී බලනු ඇත්තේ සෞභාග්‍යමත් ලංකාවක් ගොඩ නැගීමෙන් පසුව බවත් අග්‍රාමාත්‍ය මහින්ද රාජපක්ෂ මහතා පැවැසීය.

නව අවුරුද්ද වෙනුවෙන් සුබ පැතුම් පණිවිඩයක් නිකුත් කරමින් ඔහු මේ බව පැවැසීය.

“නව වසරේ උදාවත් සමඟ අපි 21 වෙනි ශතවර්ෂයේ තුන්වෙනි දශකයට පා තබමු. මේ ආකාරයට ශ්‍රී ලංකාව නව දශකයට පා තබන්නේ පසුගිය මාසයේ අති විශාල ජනවරමකින් නව ජනාධිපතිවරයෙක් බලයට පත්වී තිබෙන පසුබිමක් තුළය. එයත් සමඟම අලුත් පාර්ලිමේන්තු ආණ්ඩුවක්ද පිහිටුවා මේ වන විට වැඩ ආරම්භ කරමින් සිටී.

මේ බල පෙරළියත් සමගම අලුත් ලංකාවක් ගැන බලාපොරොත්තුවක් අපේ තරුණ පරපුර අතර පැතිරී ගොස් ඇත. මේ රැල්ලේ වැදගත්ම ලක්ෂණය වන්නේ ආණ්ඩුවේ කිසිම මැදිහත්වීමකින් තොරව රටපුරාම තරුණ තරුණියන් ස්වේච්චාවෙන්ම සංවිධානය වී අලුත් රටක් ගොඩ නැගීම සදහා නායකත්වය ගෙන තිබීමයි. රට පුරාම පොදු ස්ථාන වල බිත්ති පිරිසිදු කොට ඒවායේ ආකර්ශනීය චිත්‍ර ඇදීමේ තරුණයන් යෙදී සිටින ආකාරය අපි දකිමු.

මෙයින් දවස් ගණනක් ඇතුළත මුලු ලංකාවම වෙනස් විය. තවත් තරුණ පිරිස් මේ ආකාරයටම ස්වේච්චාවෙන් සංවිධානය වී ගොවිතැන් කටයුතු සම්බන්ධයෙන් අත්හදා බලමින් සිටින බවත් සමාජ ජාලාවල තැන් තැන්වල පළ වී තිබෙනු මම දැක ඇත්තෙමි.

මේ සෑම දෙයක්ම සිදුවෙමින් පවතින්නේ සමාජ ජාලා හරහා ඇතිවන සබඳකම් ඔස්සේය. තමන්ගේ රට තමන් විසින්ම ගොඩනගනවාය යන අධිෂ්ඨානයෙන් උපන් මේ තරුණ උද්යෝගය අලුත් දශකයකට අවතීර්ණ වන අපට ඇති වටිනාම සම්පතයි. මීට කළින් කොටි ත්‍රස්තවාදය පරාජය කිරීමටද මේ ආකාරයටම තරුණයන් අතර උද්යෝගයක් ඇතිවිය. එදා සිටි තරුණයන් ආපසු හැරී බැලුවේ කොටි සංවිධානය පරාජය කිරීමෙන් පසුව පමණි.

අද රට ගොඩනැගීමට ඇති වී තිබෙන උද්යෝගයෙන් ක්‍රියාත්මකව සිටින තරුණ පරපුරත් ආපසු හැරී බලන්නේ ඔවුන් බලාපොරොත්තු වන සෞභාග්‍යමත් දේශය ගොඩ නැගීමෙන් පසුව පමණක් බව මගේ විශ්වාසයයි. එය මගේ බලාපොරොත්තුවයි. විසි එක් වන සියවස ආසියාවේ සියවස හැටියට ලෝක ප්‍රජාව හඳුනාගෙන සිටී.

මෙම ජනවාරි පළමුවනදා උදාවන විසිඑක් වන සියවසේ තුන්වෙනි දශකය ශ්‍රී ලංකාවේ දශකය බවට අපි  පත්කර ගනිමු. කවදා හෝ 21 වන සියවසේ මේ තුන්වන දශකය දෙස ආපසු හැරී බලන විට ලෝකය එය හඳුනාගත යුත්තේ ශ්‍රී ලංකාව ලෝක ප්‍රජාව තුළ කරළියට ආ දශකය හැටියටයි. එළඹෙන්නා වූ 2020 නව වසර හා ආරම්භවන නව දශකය සියලුම ශ්‍රී ලාංකිකයන්ගේ බලාපොරොත්තු ඉටුවන, රට ගොඩනගන යුගයක් වේවායි මම ප්‍රාර්ථනා කරමි.”

- Advertisement -
- Advertisement -
- Advertisement -
- Advertisement -
- Advertisement -

Latest News

දඹුල්ලේ ගොවියෝ අසරණවෙති

සිල්ලර වෙළඳසැල වසා දමා එළවලු තොග වෙළෙඳ සැල් විවෘත කිරීම්ත් සමග එළවළු අස්වැන්න වෙළෙඳපලට ගෙනා ගොවීන් දැඩි අසීරු අසීරුතාවයකට...
- Advertisement -

More Articles Like This

- Advertisement -